Dagbækur heita núna Blogg og eru í tísku. Foreldrarnir eru ekki blogg-týpur svo að þessi hluti vefsins mun að líkindum ekki fara á flug frekar en fyrri daginn.

Anna Guðný föðursystir og Guðmunur H. eldri voru að eignast son. Hann er rosalega flottur og ég ætla að vera vinur hans. Hann á líka vef eins og ég, slóðin á hann er bumbi.hermannsson.com

Séra Hjálmar skírði Gðmund Hermann í Dómkirkjunni í dag (6. juli) að viðstöddum ættingjum, vinum og vandamönnum. Athöfnin fór fram eftir venjulega messu í góðu næði. Langafi Guðmundur og Rósa móðursystir léku undir af sinni alkunnu snilld. Amma Sigga hélt á barninu undir skýrn og systur foreldrana Anna Guðný og Hrund voru skýrnarvottar ásamt Tinnu Dagbjörtu sem aðstoðaði þær. Athöfnin var stutt og laggóð og Guðmundur Hermann eins og engill. Skýrnarkjólinn sem Guðmundur klæddist er ættargripur frá langömmuu Önnu og langafa Guðmundi, Guðmundur Hermann var 17. barnið skírt í þessum kjól á 40 árum.

Eftir athöfnina var farið í Grófarselið þar sem veislumatur var á borðum.
Fullt af yndislegu fólki hjáplaði okkur með flest alla þætti skírnarinnar og veislunnar. Það er engu lagi líkt hvað við eigum mikið af góðu fólki að. Við erum innilega þakklát fyrir alla þessa aðstoð og velvild.

Myndir af öllu saman er að finna í myndabankanum á orminum.

Já sem fyrr er lítil hreyfing á dagbókinni en hér er smá reitingur. Nú er Gummi litli búinn að fara þrisvar út úr bænum, komin í stærð númer 3 í bleyjum og var 6160 grömm og 59 cm við sexviknaskoðun. Kúturinn er farinn að hjala og brosa örlítið og það er eins og hann sé eitthvað smá að fatta hendurnar. Hárið er enn að spá í hvort það ætlar að koma eða fara. Augun eru ekki enn búin að gefa upp litinn, eru enn baranagrá. AD droparnir frægu voru víst baneitraðir og teknir af markaði daginn sem hann átti að fara neyta þeirra. Biðin stóð þó ekki lengi og góðu mennirnir í lyfjaversuninni fundu nýja týpu, sem Landi gat sætt sig við,  innan fárra daga. Mamma hans er búin að taka skrefið og "láta hann í pössun" í heila 3 tíma.
L.

Þeir Eiríkur og Palli Skjalsmenn voru ekki lengi að bregðast við og hér eru skýringar þeirra félaga.

---

Sendandi: Páll Hermannsson

Komiði sæl,

Spurt var um eignarfallsmynd karlmannsnafnsins Lárus sem föðurnafns. Málfræðingar hafa í tímans rás sett fram ýmsar kenningar um uppruna tungumálsins sem tjáskiptakerfis mannsins. Þótt ekki séu allir einhuga í þeim efnum má telja næsta víst að tungumálið hafi ekki sprottið fram með þeim hætti að einhver hafi skyndilega fengið þá bráðsnjöllu hugmynd að mynda táknkerfi er byggist á þeim hljóðum sem mannskepnan getur framkallað með öndunarfærum og meltingarkerfi . . . málhljóð . . . merkingarbærar einingar . . . indóevrópsk tungumál . . . íslenska . . . en af því leiðir að börn sem kennd eru við föður að nafni Lárus fá föðurnafnið Lárusdóttir ellegar Lárusson.

Góðar stundir,
Málfræðingur dauðans

---

Sendandi: Eiríkur

Það er "Lárusson" en ekki "Lárusarson" af nákvæmlega sömu ástæðu og maður segir "kúplingsvökvi" en ekki "kúplingarvökvi".

Kveðja
Eiríkur

Verð að viðurkenna að ég var ekki 110% viss hvort guttin yrði Lárusson eða Lárusarson. Fór í símaskránna og jú, ekki eitt kvikindi Lárusarson þar.
Hvernig var þetta aftur?:
hér er Lárus
um Lárus
frá Lárusi
til Lárusar
er það ekki annars?

Ég lýsi hér með eftir hátæknilegri málfræðilegri skýringu á því af hverju þessi hluti Íslenskunnar kaus að fara ekki að beygingarreglum?
Einnig hvort sá hinn sami viti hvort hægt er að skrá Lárusarson í staðinn.
Guðmundur heitir nú "Drengur Lárusson" í þjóðskrá þannig að þetta er greinilega "ríkis" formið.
Frá Lárusi.

Ekkert hefur verið ritað hér síðan fyrir mína daga en pabbi sagðist ætla taka sig á með þennan málaflokk síðunnar innan skamms.
Ormurinn.

Skellti mér í sónar í dag, reyndist sprækur/spræk og 3700 grömm (+/- 7%) eða tæpar 15 merkur. Það er talið að ég muni láta bíða aftir mér, veit ekki hvort ég þori að hitta Hrund frænku.
Bumbus.

Í dag rann upp fyrsti dagur fertugustu viku meðgönunnar og það er orðið dagljóst að tíminn hefur stöðvast. Við erum farin að trúa því að það muni yfir höfðu ekki koma að þessu og Sigga verði ólétt það sem eftir er.  Kannski er það óraunveruleiki afleiðinganna sem strjórnar þessu en tíminn er svo sannarlega afstæður. Sjitt hvað þetta var heimspekilegt maður.
Lalli

Lárusarson Hermannssonar Hermanns eða dóttir verður diggital krakki. Markmiðið er að ekki líði meira en sólahringur áður en ormurinn verður kominn herssilega inn á netið. Til að standa undir gamla viðurnefninu Lalli Snúra eru fyrirhugaðar beinar útsendingar frá Framnesveginum fyrstu dagana. Auglýst betur síðar en gírinn er kominn upp og virkar.
Lalli.